ع ـقول البنـآت

بسم الله الرحمن الرحيم
.
مع الأيام بدأت اقتنع بصحة المقولة (البنات عقولهم صغيرة أو مانعدهم عقول)
البنات عقولهم لو فيها شي ففيها شيء واحد.......
.
.
مره مسكت بنت صغيرة قلت لها السؤال المعروف :
وش تبغين تصيرين إذا كبرتي؟؟
قالت: أبغى أصير عروسه
!
لما كنت صغيرة كانوا يسألوني كنت اقوللهم بصير معلمة <<باقي سنتين ويتحقق حلمي إن شاء الله
اما هذي البنت طموحها تتزوج
.
.
لما تطلب مننا الأستاذة نحفظ أو نسوي نشاط يقولون الطالبات: (أستاذة حرام عليك ترى عقولنا مو كمبيوتر)
!
صح عقولنا مو كمبيوتر لان عقولنا هي الي صنعت الكمبيوتر
وعقولنا مشغوله بشيء ثاني اهم من اني اتعلم
.
.
مره جلست مع بنات واحكي لهم عن النت والمواضيع الي قريتها فيه
نطت وحده تسألني: انتي تجلسين كثير ع الكمبيوتر؟
قلت: يعني مو كثير
قالت: طيب والمطبخ؟؟؟
!
يوه نسيت انها وظيفتي في الحياة واني انخلقت بس عشان اطبخ وكل تفكيري وش اطبخ لزوج المستقبل
.
.
قبل أيام فيه ولد نزل مواضيع قذره في المنتدى
ويقول فيه بنت من الفراشة هي الي دلته عليه
!
كل الي فرأوا المواضيع عارفين نية الولد ووش يبغى من البنت الي من الفراشة
واكيد البنت عارفه هو وش يبغى منها لاحب ولاهم يحزنون
واكيد لو سألتوها بتقول بكل غباء بيجي يخطبني من اهلي
متعودين نقرا عن قصص علاقات بين بنات و شباب باسم الحب
طيب عذرنا البنات بعيدين عن ربي ويعانون من نقص عاطفة وحنان
لكن هالبنت وش نقولها؟؟!!!!
وش الفرق بينها وبين حمام هالولد؟!<<الله يكرمكم
مافيه فرق....
كلهم يستعملهم لقضاء الحاجه
>>>هذا النوع من البنات اشك ان عندها عقل اصلا
لانهم اغبياء ورخيصين وممسوح بكرامتهم الأرض<< عصبت
.
.
كان عندنا أستاذة اذا سوينا إزعاج في الفصل تقول:
ترى إذا جاء احد يسألني عن وحده منكم بقولهم انها ماهي مؤدبه لأن مين راح يتزوج وحده مو مؤدبه
!
تأدبوا يابنات المدارس عشان تتزوجون
.
.
كان عندي صديقه ماتبغى تدرس وكل سنه ترسب وتعيد سنه وفي النهاية تركت الدراسه اللحين ماعندها إلا شهادة الابتدائية تخيلوا!!!!!
ولما سألتها ليش تركتي الدراسة
قالت: بجلس في البيت
قلت: ماراح تستفيدين من جلسة البيت كملي تعليمك احسن
قالت: ابغى اتزوج
!
هذي السالفه قبل خمس سنوات
والبنت إلى الآن ماتزوجت
حاطه ايديها على خدها وقاعده تنتظر القطار يجي وياخذها معه
وتعليمها ضاع عشان خاطر القطار
.


.
هذا هو كل تفكيرنا
الزواج
من يوم تنولد البنت واهلها يزرعون هالفكرة في عقلها
وكأن الله خلقنا لسبب واحد
عشان نتزوج
.
انا ماني ضد فكرة الزواج
بالعكس هذي سنة الحياة
اتمنى القى انسان يهتم فيني واهتم فيه..
اتمنى يكون عندي اطفال..
لكن ماراح اخلي حياتي توقف عشانه
مابخلي الزواج طموحي الوحيد
يعني بجلس من يوم انولد الين يصير عمري 20سنه وانا افكر في الزواج وكيف اتزوج
طيب يمكن تموتين...
وش سويتي في العشرين سنه الي راحت..
.
لما يقولون امة المليار
ترى احنا من ضمن المليار
نقدر احنا يالبنات نرفع اسم الدين والوطن
نقدر نحقق الي ماقدر الرجال يحققونه
.
في برنامج حياة تك الي يجي ع المجد
قال المقدم علي العزازي كلمات مستحيل انساها
يقول (((هديل الحضيف ماتت في عالمنا الواقعي
لكنها حيه في العالم الافتراضي (الانترنت) )))
في النت مواضيعها ومدونتها الناس تستفيد منها وكأنها حيه
وهذي جائزة هديل العالمية للإعلام الجديد باسمها
وبيردد اسمها العالم كله
.
بتقولين كيف انجز وانا مالقيت وظيفة او ماني جريئة او مااحد يقدر يساعدني
ماتقدرين تحققين حلمك في عالمنا الواقعي
بتقدرين تحققينه في النت مثل هديل
عندنا كثيرمثل هديل الحضيف
اثبتوا وجودهم ونشروا افكارهم من وراء الشاشات واقرب مثال انتوا يابنات الفراشة
فيكم مصممة ازياء ، تاجرة ، مهندسه كمبيوتر ، مفسرة احلام.....الخ
.
.
لاتكونون مثل صديقتي حاطين أيدكم على خدكم تنتظرون القطار يمر
استفيدوا من عقولكم ومواهبكم
ولاتخلون عمركم إلي ربي بيسالكم عنه يروح بدون فائدة لدينك ودنياك
.
وفي نفس الوقت انتظري القطار
.

هذا رأيي
وأتمنى أقراء أرائكم يابنوتـآت زحمه
.
.